Lääʹddjânnam da Taar kõskksa Jiõŋŋmiâr ǩeäin čiõlǥtõsäʹrttel loppraportt

Abstract

Trafikk- da saaǥǥtem-ministeria piiji 9.5.2018 Lääʹddjânnam da Taar kõskksa äʹrttel čiõlǥtet Jiõŋŋmiârr ǩeäin lââʹsstuejjpooddid da –äiʹǧǧtaaul. Äʹrttel čiõlǥti ǩeäinnlinjjõõzz kõskksaž kõõččmõõžžid, jeäʹrbi mieʹldd pirrõʹsse, lååʹppmõõntõõllmõõžžid, kuulid, teäggtemrajjsa da teäggtem-maʹlle õhtteeʹl. Tän diõtt raʹjješ vueʹlläʹrttel, kook čiõlǥte jeäʹrben teäggtummša õhtteei kõõččmõõžžid, plaanummuš- da lååʹppmõõntõõllmõõžžid di pirrõs- da sääʹmkõõččmõõžžid. Kõõččmõõžžâst lij vuâđđeei ouddčiõlǥtõs, leʹbe tuʹmmstõõǥǥ ǩeäin čõõđtummšest leʹbe ǩeäinnlinjjõõzz vaʹlljummšest iʹlla tuejjuum.

Ǩeäinnõhttvuõtt Jiõŋŋmieʹrre pueʹreʹče Lääʹddjânnam logiistlaž sââʹj, huõllsnäätnasvuõđ da Lappi âsttjemvuõđ. Jiõŋŋmiâr ǩeäinn lij tän poodd oʹdinakai šurr Lääʹddjânnam da Taar kõskksaž õhttsažtuejjhaʹŋǩǩõs. Tõt lij še miârkteeʹjin mäddâânnmõʹšše õhttneei haʹŋǩǩõs Lääʹddjânnmest, koin lij vaikktõs saaʹmi dommvõudda, koon diõtt haʹŋǩǩõõzzâst liâ pååđ jiijjâsnallšemvuõđ, kook feʹrttje väʹldded lokku: Jiõŋŋmiâr ǩeäinn vaikkteʹči sääʹmkulttuuʹre da – jieʹllemvueʹjjid määŋg jeeʹresnalla, ouddmiârkkân puäʒʒhåiddmõʹšše, puõccui vesttummša, palggsi viistsõõʹjid di puäʒʒhåiddam rajjsid. Tõn diõtt lij tarbb ainsmâʹtted tuõttlaž vuârrvaikktõs da saaʹmi lääʹjjmeâldla saaǥǥstõõllâm- da kuullâmvueiʹtlvažvuõđ, ǥu ärvvtõõlât Jiõŋŋmiâr ǩeäin vaikktõõzzid alggmeer saaʹmid.

Äʹrttel tuâjjânouddmõš puuđi 14.12.2018.