Oktasaš suopmelaš-norgalaš jiekŋameara ráŧi čielggadanbargojoavku

Abstract

Johtolat- ja gulahallanministeriija ásahii 9.5.2018 Suoma ja Norgga gaskasaš bargojoavkku čielggadit Jiekŋameara ruovdegeainnu joatkkabargomuttuid ja -áigetávvala. Bargojoavku čielggadii ruovdegeaidnolinnjema guovddáš gažaldagaid, earret eará birrasa, lohpemeannudeami, goluid, ruhtadanráhkadusa ja ruhtadanmálle ektui. Dán várás vuođđuduvvojedje vuollebargojoavkkut, mat čielggadedje eandalii ruhtadangažaldagaide gullevaš áššiid, plána- ja lohpemeannudemiid sihke biras- ja sámegažaldagaid. Sáhka lea álgoovdačielggadusas, nuppiiguin sániiguin mearrádus ruovdegeainnu ollašuhttimis dahje ruovdegeainnu válljemis ii leat dahkkon.

Ruovdegeaidnooktavuohta Jiekŋamerrii buoridivččii Suoma logistihkalaš sajádaga, fuolahansihkkarvuođa ja Lappi fáhtehahttivuođa. Jiekŋameara ruovdegeaidnu lea dál áidna mearkkašahtti Suoma ja Norgga gaskasaš oktasašfidnu. Dat lea maiddái eanemus mearkkašahtti eanageavaheapmái gullevaš fidnu Suomas, mas leat váikkuhusat sámiid ruovttuguvlui, man dihtii fidnus leat dihto sierrasárgosat, maid galgá váldit vuhtii: Jiekŋameara ruovdegeaidnu váikkuhivččii sámekultuvrii ja -ealáhusaide máŋgga láhkai, ovdamearkan boazodollui, bohccuid guođoheapmái, guohtumiidda ja boazodoalu ráhkadusaide. Dan dihtii lea dárbu sihkkarastit duođalaš vuorrováikkuhusa ja sápmelaččaid lágasásahuvvon ráđđádallan- ja gullanvejolašvuođaid, go árvvoštallat Jiekŋameara ruovdegeainnu váikkuhusaid eamiálbmot sápmelaččaide.

Bargojoavkku bargogohčus nogai 14.12.2018.